Një plagosje me armë zjarri është regjistruar në Kurbin, ndërsa ngjarja është zbuluar pasi vetë i plagosuri është paraqitur për ndihmë mjekësore në Spitalin e Traumës në Tiranë.
Sipas informacioneve paraprake, bëhet fjalë për një 35-vjeçar me banim në Kurbin, i cili ka mbërritur në spital i plagosur me armë zjarri. Pas konstatimit të rastit, stafi mjekësor ka njoftuar menjëherë policinë.
Burime zyrtare bëjnë me dije se po kryhen veprimet procedurale dhe hetimore për të sqaruar dinamikën e plotë të rastit, ndërsa nuk dihen ende detaje të tjera mbi autorët apo motivet e mundshme të ngjarjes.
