Gjykata Penale ka dhënë masën “arrest me burg” për Roland Muzhaqin, i cili u arrestua si përkrahës i autorit të vrasjes së 17- vjeçare Griselda Gjikolaj.
Muzhaqi ka mohuar përfshirjen në ngjarjen e rëndë, ndërsa ka refuzuar të japë dëshminë e tij.
Në kërkim është shpallur autori i dyshuar, Robert.P., 19-vjeçari nga Tropoja, i cili dyshohet të jetë personi që ka shkrepur armën, duke vrarë adoleshenten e duke plagosur 23-vjeçarin.
Po ashtu, Erjon Benga, vijon të jetë në kërkim dhe mësohet se Policia ka shpërndarë fotografinë e tij në të gjitha pikat e kalimit kufitar, për ta ndaluar që të largohet nga Shqipëria.
Arrestimi dhe si u zbulua
Ai dyshohet të jetë personi që është filmuar nga kamerat bashkë me autorin e shpallur në kërkim Robert P., 19 vjeç, para, gjatë dhe pas momentit të krimit. Megjithatë, burime për Panorama thanë se Muzhaqi nuk ka qenë i armatosur dhe personi që dyshohet se ka shkrepur armën, duke tentuar të vrasë Erjon Bengën, me të cilin kishte pasur konflikt, por nga të shtënat ka mbetur e vrarë vajza që ai pëlqente, Griselda Gjikola.
