Ngjarja e rëndë në Kavajë, ku u përdhunua një 13-vjeçare nga tetë djem, ka shkaktuar reagime të shumta, teksa tronditi opinionin publik.
Kjo ngjarje shkaktoi debate të shumta edhe në Komisionin e Medias, teksa ministrit Lleshaj iu kërkua llogari se përse kjo ngjarje e rëndë u mbajt e fshehtë nga autoritetet. Ndërsa, ministri u përgjigj se kjo nuk ishte një ngjarje për t’u bërë publicitet, pasi meriton përgjegjshmëri.
Debati:
Lleshaj: Dhunuesit e Kavajës janë proceduar në castin zero kur ka marrë njoftim dhe janë arrestuar para se ky fakt të jetë bërë publik, ju flas me përgjegjësi shtetërore.
Vokshi: Besuan ish-kryeministrin shqiptarët
Lleshaj: Personat janë arrestuar para se të bëhej publike, por nuk ka ndërmarrë hapa për ti bërë publicitet kësaj gjëje të shëmtuar, të neveritshme kriminale, ajo është e fundit në radhë përballë një vepre të tillë që na bën të ndihemi keq si shoqëri, nuk e bëri policia atë, ju bëni komision hetimore për atë, policia reagoi me profesionalizëm, nuk ka bërë publicitet, se nuk meriton publicitet, por përgjegjshmëri
Vokshi: Policia e Shtetit e ka për detyrë të nxjerrë deklarata zyrtare, ama ju informoni publikun për ngjarjet që ndodhin dhe policia ka heshtur, e ka fshehur krimin, deri sa u bë publik nga ish kryeministri> pse e fshehët ju një krim monstruoz
Noka: Në cilën datë e keni bërë ju shoqërimin, në cilën datë bëtë procedimin? Nuk është shoqëruar dhe ndaluar asnjë person para se Berisha ta bënte publike, mos gënjeni se të ndodhë krimin, është krim, por të gënjesh është trefish krim.
Deputetet e PS: mos luani me dhembjen e atyre qytetarëve atje, të asaj nëne
Noka: A keni vajza ju apo jo, je edhe nënë
