Vetëdorëzohet në Policinë e Tiranës Ajaks Boshnjaku. Boshnjaku ishte i shpallur në kërkim për ngjarjen e 4 tetorit në ish-bllok, ku u vra Fabian Gaxha dhe u plagosën Ervis Martinaj dhe Eljon Hato.
Boshnjaku ka mbërritur në Drejtorinë e Policisë Tiranë në shoqërinë e avokates së tij, Olta Myftaraj.
Ai është dorëzuar vullnetarisht në polici, pasi është vënë në dijeni të faktit se kërkohej nga policia.
Kush është Ajaks Boshnjaku
Ajaks Boshnjaku, një emër i padëgjuar para ngjarjen që ndodhi në ish-Bllok. Urdhër arresti për të u firmos nga prokurorët Kreshnik Ajazi e Artan Lulo, pasi ka dyshime të jetë i përfshirë në krimin që tronditi kryeqytetin.
Boshnjaku është mik me të dashurin e Elvana Gjatës, Ervin Matën, i shpallur në kërkim për masakrën e 4 tetorit.
Nga hetimet rezulton se Boshnjaku ka qenë i pranishëm në lokal në momentin kur komandoja Meviol Bilo iu kundërpërgjigj sulmit me armë nga Fabian Gaxha, duke lënë të vrarë këtë të fundit dhe duke plagosur Ervis Martinajn e Elio (Esmerald) Hato.
Kërkimet policore për kapjen e mikut të Matës deri më tani nuk kanë dhënë rezultat.
