Autoritetet shqiptare ‘dorëzohen’ përpara kërkesës së familjes së të ndjerit Kostandin Kaçifas. Ata kanë pranuar që një mjek grek të vijën dhe të bëjë ekspertizën mjeko-ligjore, në trupin e të ndjerit. Familjarët ende nuk e kanë tërhequr trupin nga morgu i spitalit të Gjirokastrës.
Pak më parë u bë e ditur se pala shqiptare ka refuzuar kërkesën e familjarëve të Kostandino Koçifas për t’i bërë një ekzaminim të dytë trupit të 35-vjeçarit nga një mjek grek.
Ekspertët mjeko-ligjorë të morgut të spitalit të Gjirokastrës thonë se nuk mundet që të bëhet një ekzaminim i dytë pasi është kryer një i tillë.
Trupi i të ndjerit ndodhet ende në morgun e spitalit, pasi familjarët refuzojnë që ta tërheqin. Ata kërkojnë një ekspertizë të pavarur dhe për këtë kanë kërkuar ndihmën e autoriteteve greke. Kjo kërkesë më në fund është pranuar.
Ndërsa media greke “nooz.gr”, shkruante se: “Sot në Shqipëri arrin mjeku i Janinës, Theodoros Vougiouklakis. Ky i fundit do të bëjë ekspertizën e trupit të të ndjerit për të zbuluar shkaqet e vdekjes së tij”./TIRANA TODAY/
