Partitë politike në Maqedoni kanë mbajtur një tryezë të përbashkët bisedimesh dje dhe sot larg syve të opinionit publik.
Sipas të dhënave të para, ky takim bëhet me qëllim që partitë të gjejnë gjuhën e përbashkët për ndryshimet në Kodin Zgjedhor lidhur me zgjedhjet lokale, pasi nuk ka një datë për mandatin e ri qeverisës të komunave.
Mësohet se VMRO-DPMNE-ja kërkon nga shumica parlamentare që urgjentisht të lejojë funksionimin e pushtetit lokal, dhe të caktohet data më e afërt për zgjedhjet .
“LSDM-ja nga frika e ballafaqimit me qytetarët po tenton të shtyjë afatin e mbajtjes së zgjedhjeve lokale. LSDM duhet ta marrë guximin dhe të paktën njëherë interesat shtetërore t’i vendos përpara atyre partiake”, thonë nga VMRO-DPMNE.
Nga ana tjetër LSDM-ja thotë se bllokimi i komunave nuk ndodh për fajin e tyre, por për shkak të bllokimit të të gjitha proceseve në Maqedoni nga presidenti Gjorgje Ivanov dhe VMRO-ja.
