Nuk mund të flasim më siguri nëse Kim Jong-un, i përdor rregullisht kremrat dhe hidratuesit, por udhëheqësi koreano-verior u shfaq një klient shumë i vëmendshëm, kur për një ditë la raketat balistike në këmbim të aromave, gjatë vizitës në një fabrikë kozmetikesh.
Ai ishte i shoqëruar nga bashkëshortja e tij, Ri Sol-ju dhe motra e vogël, Kim Yo-jong. Ndërsa Sekretari amerikan i Mbrojtjes, James Mattis deklaronte se Uashingtoni nuk do të pranojë kurrë një Kore bërthamore, Kim Jong-un po udhëzonte punëtoret e fabrikës së kozmetikeve, duke shfaqur edhe anën e tij të butë, të paktën sipas agjencisë shtetërore të lajmeve “KCNA”.
Vizita ishte e rëndësishme edhe për vet identitetin e shoqëruesve të tij, dy prej femrave më të fuqishme në Korenë e Veriut. Gruaja e tij, Ri Sol-ju, e cila shumë rrallë shfaqet në publik, dhe motra e tij Kim Yo-jong, e cila së fundi u emërua pjesë e Byrosë Politike të partisë qeverisëse. Megjithëse ajo u tregua e kujdesshme dhe nuk u shfaq në foton e rastit.
