Egli Kaja është futbollisti më i ri i grumbulluar nga Christian Panucci në kombëtaren kuqezi. Ëndrra e tij po bëhet realitet dhe tani shpreson që të debutojë me kombëtaren para syve të prindërve të tij. Futbollisti 21-vjeçar i Livingston në një intervistë për “Deadlinews.com.uk” ka folur për shumë temave, duke filluar nga lufta në Kosovë e deri në ditët e sotme ku djaloshi nga Ferizaj vesh ngjyrat kuqezi.
“Isha ende fëmijë kur ishim në Kosovë dhe nuk e ndjeva atë që po ndodhte në atë kohë. Prindërve të mi u është dashur shumë kurajë dhe vendosmëri kur vendosën të emigronin në Britaninë e Madhe. Ata dëshironin një jetë të re për mua dhe motrën, ndaj dhe vendimin e morën për ne. Do ju jem mirënjohës për gjithçka qe kanë dhënë për mua”, shprehet fillimisht Kaja.
Familja Kaja u vendos në Middlesbrough, përpara se të shkonte në Londër, kur Egli ishte 10 vjeç. “Prindërit e mi bënë gjithçka që të më ndihmonin me futbollin, duke më dërguar në stërvitje mes shiut dhe borës. Kanë qenë kohëra të bukura, ndonëse nuk e mendon se një ditë do të kesh mundësinë të luash futboll ndërkombëtar. Prindërit e mi kanë angazhime pune dhe unë u thashë se do të paguar që të vijnë të shikojnë. Ata do të fluturojnë të premten drejt Shqipërisë për të ndjekur takimet me Skocinë dhe Uellsin. Shpresoj që të debutoj përpara tyre. E di se sa krenarë do t’i bëj.”. shton 21-vjeçari.
“Është eksperiencë e shkëlqyer të punosh me djem që luajnë në klube të mëdha Europiane si Napoli dhe Bazeli. Do të ishe i çmendur mos të mësoje nga këta djem. Hysaj është një frymëzim për mua në lidhje me atë që arrihet nëse beson në vetvete, punon shumë, por ke edhe pak fat.
Është një eksperiencë e shkëlqyer për të punuar së bashku me djemtë kuqezinj, që luajnë për skuadrat e mëdha europiane, si Hysaj te Napoli dhe Taulant Xhaka te Basel. Do të ishte e çmendur të mos bisedoja me këta lojtarë, të mos mësoja prej tyre gjithçka mundem dhe të kuptoj prej tyre se çfarë duhet të bëj atje.
Pritshmëritë e Panuçit janë të mëdha dhe kërkon shumë nga grupi. Ai ka luajtur për klube të mëdha në botë dhe ka ngritur trofe. Ka qenë i rrethuar nga lojtarët më të mirë, është një fitimtar. Përjetuam një zhgënjim muajin e shkuar . Dominuam me Izraelin por u dhuruam 2 gola.” përfundoi rrëfimin e tij Kaja.
