Një krimi i tipit mafioz ka tronditur qytetin e Durrësit. Genci Caci dhe Edison Harizaj kanë gjetur vdekjen.
Në drejtim të makinës Audi që drejtohej nga 33-vjeçari Caci, u derdh një breshëri plumbash. Vetëm 4 kilometra larg vendit të atentatit, në Shën Vlash është gjetur një automjet i djegur. Sipas policisë mjeti dyshohet se u përdor nga autorët.
Edison Harizaj dhe shoku i tij Genci Caci e ka parë veten mes dy makinave që e kishin bllokuar në autostradë. Prej aty, në drejtim të tyre janë lëshuar rreth 50 plumba kallashnikovi. Si pasojë ka gjetur vdekje në vend Edison Harizaj dhe u plagos rëndë Genci Cacin.
Por ky i fundit mbrëmjen e djeshme ka ndërruar jetë në spitalin ushtarak. Mësohet se Harizaj është qëlluar disa herë nga afër me plumba kallashnikovi. Ai nuk kishte pasur asnjë mundësi për të reaguar. Për ngjarjen në fjalë policia e Durrësit është duke bashkëpunuar ngushtë me policinë e Vlorës. Ndërkohë në vendngjarje nuk ka asnjë dëshmitar.
Në vendin ku ndodhi atentati nuk ka pasur kamera sigurie dhe mungonte ndriçimi gjë që ka vështirësuar punën e hetuesve për zbardhjen e ngjarjes. Ende nuk dihet motivi i krimit të rëndë, por hetuesit dyshojnë se bëhet fjalë për një përplasje mes grupeve kriminale. Edison Harizaj është vënë nën hetim për disa vrasje të ndodhur ndër vite në Vlorë që janë ende të pa zbardhura.
Ndjekja
Mësohet se Harizaj, pikërisht gjatë kohës kur luhej Inter-Barcelona, kishte vendosur të udhëtonte me një në drejtim të Vlorës. Personi që e shoqëronte ishte shoku i tij Genci Caci 33 vjeç, person jo me probleme me drejtësinë.
Kundërshtarët i janë vënë në nga pas makinës së Harizaj i cili ishte pasagjer, ndërkohë që bashkëpunëtorët e tyre kanë zënë pritën në zonën e unazës së Durrësit. Plani ka qenë shumë i qartë dhe shumë i organizuar, me përpikëri.
Personat që i ishin vënë nga pas Edison Harizaj, njoftonin herë pas herë bashkëpunëtorët e tyre, që prisnin në Unazën e Durrësit. Ata i kishin njoftuar edhe për vendin.
Sapo është afruar në zonën e plepave, një automjet ku ndodhej pjesa tjetër e grupit ka hyrë kundravajtje. Ai është futur pikërisht në korsinë ku Harizaj, po udhëtonte nga Tirana në Vlorë. Genci Caci që ndodhej në timon, ka ulur shpejtësinë e makinës për të shmangur automjetin që po vinte drejt tyre kundravajtje dhe me drita të gjata. Mirëpo Caci nuk ka kuptuar se e gjitha kjo ka qenë një pritë. Ai ai së bashku me të paprekshmin e Vlorës, kishte rënë brenda.
