Nga Lushnja tek Argjentina, ja kush mund të jetë pasardhësi i Sampaolit

Argjentina mund të quhet një dështim i madh në Botërorin e Rusisë, pavarësisht se ia doli të kalojë fazën e grupeve. Pavarësisht se kishte disa lojtarë mjaft të mirë në ekip dhe një lojtarë si Lionel Messi, trajneri Sampaoli dështoi totalisht të zhvillonte një lojë bindëse. Tashmë fati i tij është i shkruar, ai do të largohet nga drejtimi i “albiçeleste”.Problemi i vetëm është se ai ka një kontratë deri në 2020-ën dhe nuk dëshiron të japë dorëheqjen, por nëse e shkarkon Federata ata i detyrohen Sampaolit plot 20 milionë euro.Por, janë mediat argjentinase ato që hedhin hipotezat se Mario Kempes, ish-trajneri i Lushnjës për një periudhë të shkurtër kohe në Shqipëri, kërkon të marrë drejtimin e kombëtares. Vetë tekniku është shprehur se mund ta rikthejë në maja Argjentinën, nëse zë vendin e Sampaolit.