Kryeministri, Edi Rama, gjatë shpërndarjes së lejeve të legalizimit në Kamëz, nuk shmangu batutat edhe për zgjedhjen e Presidentit. Kreu i qeverisë nxitoi t’i shpërndante lejet pasi, siç tha ai, nuk ka kohë se sot në orën 17:00, Kuvendi do të zgjedhë presidentin e ri të vendit.
Duke iu referuar Ilir Metës, Rama tha se mazhoranca gjeti një president që është me PD-në, por pa qenë i saj.
Sipas tij, një president të tillë s’do e gjente as vetë PD-ja, ndërsa është mazhoranca e “detyruar” ta votojë edhe për llogari të opozitës.
“Të mbarojmë shpejt se sot do zgjedhim Presidentin. Kemi gjetur një President me PD pa qenë i PD, as PD-ja vetë s’e gjente. Tani do votojmë presidentin dhe për llogari të PD-së, do ta votojmë ne”, u shpreh Rama.
