Giuseppe Marotta është prezantuar ditën e enjte si drejtori i ri sportiv i Interit. Ai është larguar nga Juventus disa javë më parë dhe gjatë një takimi të bordit drejtues zikaltër është emëruar zyrtarisht si CEO i ri i klubit.
“Duke filluar nga sot, jam pjesë e Inter-it të madh”, deklaroi Marotta, nëpërmjet një videoje të publikuar nga faqja zyrtare e klubit në Twitter.
https://twitter.com/Inter/status/1073202566845083653
“Është një moment i veçantë dhe jam shumë krenar që do të kem rolin e rëndësishëm të CEO në aspektin sportiv. Kjo është një eksperiencë e rëndësishme në jetën time profesionale, plot me përgjegjësi, por kjo nuk më frikëson. Fillon një aventurë të re, që duhet të jetë fitimtare”.
