Neymar tek Real Madrid? Emery kalon “topin” në duart e Perez

Polemikat se Neymar do të largohet nga PSG, vetëm pas një viti si u transferua në kampionatin francez. Intensiteti i kampionatit, kritikat e shumta, problemet me tifozët dhe mosmarrëveshjet me shokët e ekipit duket se kanë bindur yllin brazilian që të rikthehet në Spanjë.

Kështu po raportojnë  mediat botërore, të cilat shtojnë edhe pakënaqësive të lojtarit me drejtuesit e klubit francez. Në konferencën për shtyp para ndeshjes së Ligue 1 kundër Nices, Unai Emery u pyet rreth vazhdimit të Neymarit me PSG-në si dhe mundësinë e transferimin në Real Madrid.

“Mendoj se kam dhënë rreth 30 përgjigje në konferencën për shtyp mbi këtë çështje. Projekti i PSG-së është shumë i fortë me Neymarin”, tha Emery. Ai më tutje u ka sugjeruar gazetarëve që rreth kësaj çështje të flasin me presidentin e madrilenëve, Florentino Perezin. “Neymar në Real Madrid? Nuk e di, pyesni Florentinon (Perez)”, u tha gazetarëve trajneri spanjoll i kampionit francez. Neymar aktualisht ndodhet në Brazil, ku po kalon fazën e rikuperimit të një dëmtimi që mori në derbin me Marseille.