Ylli brazilian, Neymar nuk i ka kursyer elozhet për futbollistin e Liverpoolit, Mohamed Salah. Sulmuesi i PSG-së është shprehur se egjiptiani aktualisht është një ndër futbollistët më të veçantë në botë dhe se ajo që ai po bën është mahnitëse.
“Salah është aktualisht një nga futbollistët më të mirë në botë. Po e shikoj nga Franca me vëmendje formën e tij. Është për tu admiruar ajo që po bën ai. Vlerësoj se do të jetë befasia e Botërorit. Mendoj se do të bëjë diferencën në Kupën e Botës”-ka thënë Neymar për Salah.
Salah në Premier Leagu pas transferimit nga Roma drejt Liverpool, ka treguar një formë mjaft të mirë. Ai është duke shënuar rregullisht dhe ka ndihmuar “The Reds” me 14 gola dhe tre asiste në kampionatin anglez. Duke mbajtur edhe kreun e golashënuesve në kampionat pas 18 javësh të luajtura.
