Në kampin parisien vazhdon të mos ketë paqe edhe pse Neymar u la jasht ndeshjen e fundit të luajtur nga PSG në Liga 1. Dy ditë para supersfidës të vlefshme për Champions League përballë gjigantit gjerman Bayern Munchen, polemikat për ekzekutuesin e penalltive gjatë ndeshjeve nuk janë shuar akoma. Ka ndërhyrë edhe presidenca për të zgjidhur këtë çështje, duke i propozuar ‘El Matador’ një bonos prej 1milion vetëm për ti ekzekutuar Neymar penalltitë. Por duket se Cavani e ka refuzuar këtë propozim, duke lënë të përçarë grupin në këtë fazë të kompeticionit më të rëndësishëm të futbollit.
Konflikti mund të sjellë edhe largimin e njërit prej lojtarëve nga ekipi dhe i sakrifikuari duket se do të jetë Cavani. Për uruguaianin nuk mungojnë ofertat, pasi Juventus ka shfaqur shumë interes në dy merkatot e fundit për të afruar në ekip lojtarin. Po ashtu i mundshëm është edhe një kalim tek Bayerni, nëse Levandovski largohet do të ishte zëvendësuesi ideal. Pistë tjetër mbetet edhe rikthimi tek Napoli ku Cavani ka edhe epokën më të ndritshme të karrierës së tij, pasi napolitanët mund ti hapin dyert për të rikthyer yllin e tyre.
