Dilema më e madhe e tifozëve brazilian është nëse do të jetë Neymar pjesë e ekipit në Botërorin e Rusisë apo jo. Kësaj dileme ka menduar ti japë fund vetë futbollisti. Sulmuesi i PSG-së ka nisur riaftësimin pas operacionit që kreu në fillim të muajit në kavilje është shfaqur gjatë një fushate publicitare, me një protezë në këmbën e dëmtuar.
“Nuk ka akoma një datë të saktë për rikthimin tim. Ekzaminimin e fundit e kam në 17 maj. Më pas do të shikojmë si do të shkojnë gjërat, në varësi të ekzaminimeve që do bëhen”, tha Neymar, që nuk ka dëshirë që Botërorin ta shikojë përmes televizionit.
“Do të kem mjaftueshëm kohë që të përgatitem. Ajo që mund të them për momentin është se po rikuperohem mirë dhe kjo është shumë e rëndësishme”, u shpreh Neymar.
