Pas akuzave me të cilat u përball Kevin Spacey, akuza për ngacmime dhe sulme seksuale, kompania e prodhimit të filmave Netflix ka pezulluar aktorin nga shfaqja.
Spacey nuk do të jetë më në sezonin e gjashtë dhe të fundit të “House of cards”.
“Ne do të vazhdojmë të punojmë me “Media Rights Capital” gjatë kësaj periudhe kohore për të vlerësuar rrugën tonë përpara për sa i përket shfaqjes por sigurisht Spacey do të jetë i përjashtuar dhe ne do të vazhdojmë hetimin në lidhje me akuzat e ngritura ndaj tij.”- ka deklaruar një zëdhënës i rrjetit.
Netflix gjithashtu ka vendosur të mos shfaqë më filmin “Gore”, prodhimi i Spacey.
Aktori po kërkon aktualisht trajtim mjekësor, ndërkohë që ky vendim është marrë një ditë pasi disa anëtarë të tanishëm dhe të mëparshëm të stafit të prodhimit të “House of cards” akuzuan Spaceyn për ngacmim seksual.
Pse rrogat rriten në letra, por varfëria rritet në realitet?
