Në 24 orët në vijim priten reshje me një intensitet mesatar por në rajone të caktuara dhe intensive, të shoqëruara me shtrëngata. Reshjet do të jenë në formë dëbore në zonat e larta malore, kryesisht në veri dhe lindje të vendit. Nuk pritet që të këtë përmbytje në zonat urbane nga përrenjtë dhe lumenjtë e vegjël sepse këto përmbytje e kanë kaluar pikën kritike përgjatë natës së kaluar. Lumi Vjosa do të përmbysë sërish zona të caktuara në qarqet Fier dhe Vlorë. Nga llogaritjet e fundit hidrologjike rezulton se, në pjesët fushore të këtyre lumenjve do të vazhdojë përmbytja me prurje shumë të larta nga Lumi Vjosa. Tërhiqja e lumit në shtratin e tij natyral do të fillojë në fundin e ditës së Hënë. Shenjat e Alarmit për Përmbytje nga Lumi Vjosa janë vendosur në tabelë .
Në pjesët e sipërme të baseneve në qarqet (Elbasan, Gjirokastër dhe Berat) do të ulet rreziku nga përmbytja. Nesër temperaturat minimale dhe maksimale të ajrit pritet të arrijnë: në bregdet: 7 °C / 13 °C në vendet e ulëta: 6 °C / 13 °C në vendet malore: -1 °C / 6 °C. Era do të fryjë e dobët, ndërsa ne bregdet deri mesatare.
