Një deklaratë e bërë nga presidenti turk Erdogan ka shkaktuar bujë të madhe në mediet ndërkombëtare.
Teksa mbajti një fjalim ku nxiste turqit për mbështetjen e ushtarëve të tyre në Siri, presidenti turk pikasi një vajzë 6-vjeçare të veshur me rroba ushtarake. Ai e thirri vogëlushen në skenë, ndërsa kjo e fundit shpërtheu në lot.
Erdogan e puthi vajzën dhe më pas bëri deklaratën që do bënte xhiron e rrjetit, teksa tha se vajza do të nderohej nëse do të vdiste në luftë.
“Nëse ajo martirizohet, ata do të vënë një flamur mbi të, me vullnetin e Zotin”, tha Erdogan, ndërsa fjalimi i tij u konsiderua si “abuzim i fëmijës”, dhe një zbukurim i vdekjes.
“Ajo është gati për gjithçka, apo jo?”, ndërsa vajza iu përgjigj e përlotur “Po”.
Nuk dihet se përse vajza kishte veshur një uniformë ushtarake, ndërsa rrjeti ka shpërthyer në kritika. Disa e quajnë vajzën “të fortë” dhe me shumë kurajë, ndërsa të tjerë shpërthyen keq ndaj liderit turk.
“Është vërtetë trup, shumë keq. Ajo është një fëmijë, ti nuk duhet t’i urosh asaj vdekjen!”, shkruante një komentues.
Erdogan nuk u është përgjigjur kritikave. Kjo nuk është hera e parë që deklaratat e tij shkaktojnë bujë në Turqi, ku çdo polic apo ushtar i vrarë në detyrë konsiderohet “martir”.
Kundërshtarët e Erdoganit e kritikojnë atë për përdorimin e funeralit të ushtarëve të vdekur dhe fëmijëve për fjalime shumë të politizuara. TIRANA TODAY
