Në një kohë kur po përflitet për ndryshime të kufijve, kreu i Mitrovicës Agim Bahtiri ka bërë një deklaratë të fortë.
Ai tha se nëse preket Mitrovica, do të ketë luftë. Sipas tij, plani i Serbisë parashikon ndarjen e këtij qyteti përmes Ibrit, por, siç tha Bahtiri, nëse preket Mitrovica do të bëhet luftë që s’është parë asnjëherë deri tani.
“Plani i Serbisë është ndarja e Kosovës përmes lumit Ibër… Nëse preket Mitrovica do të bëhet luftë që s’është parë asnjëherë deri tani… Mitrovica nuk guxon me u prek, do të flasin vetë qytetarët dhe Mitrovica do të jetë epiqendër e fuqishme e revolucionit, këtë le ta dinë të gjithë”, tha Bahtiri mbrëmjen e kaluar në Mitrovicë, pas tryezës kushtuar 19-vjetorit të masakrës së natës ndërmjet 3 dhe 4 shkurtit të vitit 2000, e cila ka ndodhur në veri të Mitrovicës.
