Teorikisht, përvojat që kalojmë na bëjnë më të fortë dhe më të mirë. Të jesh optimist, të kesh nën kontroll jetën tënde dhe të mos ndihesh keq për veten janë vetëm disa nga karakteristikat tek të cilat duhet të punojmë. Por ja cilat janë disa nga karakteristikat që kanë personat e fortë mendërisht sipas Amy Morin, ekspert i forcës mendore.
- Ti di si të ekuilibrosh emocionet me logjikën
Nuk ka të bëjë me faktin që pushtoheni nga ndjenjat. Bëhet fjalë për balancën mes të dyjave, për të parë nëse emocionet mbizotërojnë logjikën gjatë vendimmarrjes. Nëse jeni mendërisht i fortë, ju dini se si t’i balanconi këto dy gjëra.
- Ju kaloni kohën tuaj duke punuar
Dikush mund të ketë një mijë arsye për të mos shkuar në punë. Njerëzit e fortë mendërisht përqendrohen në atë që duan të arrijnë dhe shmangin harxhimin e kohës në aktivitete joproduktive.
- Ju besoni në aftësinë tuaj për t’u përshtatur me ndryshimin
Jeta ndryshon vazhdimisht dhe nganjëherë ne e kemi të vështirë të përshtatemi me rrethanat e reja. Shumica e njerëzve vetëm përpiqen t’i rezistojnë këtyre ndryshimeve, por njerëzit e fortë mendërisht përqendrohen në sfidën e realitetit të ndryshueshëm.
- Ju përballeni me frikën
Shumica e njerëzve i shmangen frikës; disa të tjerë përpiqen të përballen me frikën vetëm për t’u dukur mirë para të tjerëve. Por njerëzit e fortë mendërisht nuk kanë asgjë për të provuar. Ata përballen dhe kapërcejnë frikën që i pengon të jenë versioni më i mirë i vetes së tyre.
- Ju mësoni nga gabimet tuaja
Njerëzit mendërisht të fortë nuk përpiqen të justifikojnë veprimet e tyre ose t’i fshehin gabimet nga të tjerët. Ata mësojnë nga gabimet e tyre dhe shpresojnë të bëhen më të mirë.
- Ju gjeni një ekuilibër midis asaj që jeni dhe asaj që dëshironi të jeni
Nëse jeni një person i fortë mendërisht, ju pranoni që jetoni në këtë moment, por kurrë nuk ndaloni së punuari për t’u bërë një person më i mirë.
- Ju festoni suksesin e njerëzve të tjerë
Të jesh i fortë mendërisht do të thotë të dish si të bashkëpunosh. Suksesi i të tjerëve nuk ju bën xheloz. Përkundrazi, njerëzit e fortë mendërisht dinë të festojnë lumturinë dhe suksesin e njerëzve të tjerë.
- Jetoni dhe merrni vendime sipas vlerave tuaja
Nëse jetoni sipas vlerave tuaja dhe i kuptoni prioritetet tuaja, kurrë nuk keni vështirësi në marrjen e një vendimi. Kjo aftësi i bën njerëzit mendërisht të fortë.
- Ju kujdeseni për përmirësimin e aftësive tuaja në vend që të mburreni me to
Në përgjithësi, njerëzit priren të kërkojnë miratim nga të tjerët. Por njerëzit e fortë mendërisht përqendrohen në përmirësimin e aftësive të tyre pa kërkuar aprovim.
- Ju jetoni një jetë të ndershme
Njerëzit mendërisht të fortë janë të ndershëm me veten. Veprimet e tyre nuk bien kurrë në kundërshti me fjalët e tyre.
- Ju vlerësoni atë që jeni, jo atë që keni arritur
Njerëzit mendërisht të fortë vlerësojnë në të vërtetë atë që janë, jo atë që kanë. Atyre nuk u intereson nëse fitojnë apo humbasin, ata gjithnjë luftojnë.
- Ti e di se për fitoren ia vlen të presësh
Njerëzit mendërisht të fortë dinë të presin shpërblimet e tyre; ata e dinë se duhet një kohë e gjatë për të pjekur frutat. Plus, padurimi vetëm na dobëson.
- Ju jeni përgjegjës për veprimet tuaja
Të jesh i fortë mendërisht nuk garanton se nuk do të bëni gabime. Do të bëni, por gjëja kryesore është të mësoni prej tyre dhe të ecni përpara.
- Ju i shikoni vështirësitë si mundësi
Çdo pengesë dhe çdo problem që hasni është vetëm një mundësi tjetër që ju të rriteni. Njerëzit zakonisht irritohen nga vështirësitë, por njerëzit e fortë mendërisht i pranojnë si sfida dhe bëhen më mirë.
- Ju jeni mirënjohës
Në vend që të kërkojnë më shumë, njerëzit e fortë mendërisht besojnë se ata kanë më shumë se sa kanë nevojë dhe dinë të jenë mirënjohës për të.
- Ju përqendroheni në atë që dini të bëni më mirë
Ata që janë mendërisht të fortë janë të efektshëm dhe të suksesshëm në jetë, sepse i kushtojnë kohë, përpjekje dhe burime në atë që bëjnë më mirë.
- Ju ngriheni pasi rrëzoheni
Për njerëzit e fortë mendërisht, dështimi nuk është fundi i rrugës, por fillimi i tij. Ata besojnë se rruga që kanë zgjedhur do t’i çojë ata drejt suksesit.
- Ju jeni optimist, por edhe realist
Njerëzit mendërisht të fortë janë optimistë. Kur përballen me pengesa, ata shpresojnë për më të mirën, por në të njëjtën kohë qëndrojnë me këmbë në tokë.
- Ju punoni në dobësitë tuaja
Njerëzit tentojnë të fshehin dobësitë e tyre. Por njerëz të fortë mendërisht nuk kanë frikë të përballen me dobësitë e tyre punojnë në to.
- Ju nuk grindeni për gjëra të vogla
Është e natyrshme të luftosh drejt përsosmëri, megjithatë një person i fortë mendërisht e di se nuk është e nevojshme të humbësh durimin për gabime të vogla, veçanërisht për gabimet e njerëzve të tjerë.
- Jeni gati për të zgjidhur problemet
Ju mund të ankoheni për problemet tuaja dhe të vazhdoni të punoni me to. Ose mund të filloni t’i zgjidhni problemet, si njerëz të fortë mendërisht.
- Ju jeni gjithmonë të gatshëm për të mësuar
Një ditë e re, një person i ri, ose një përvojë e re është vetëm një mundësi tjetër për të mësuar diçka. Pa marrë parasysh se çfarë jeta na tregon përmes tyre, njerëzit e fortë mendërisht janë gjithmonë të etur për të mësuar. (TIRANA TODAY)
