Paraditen e sotme është nënshkruar një marrëveshje bashkëpunimi midis rektorit të Universitetit “Kadri Zeka”, në Gjilan, dhe kreut të Këshillit Kombëtar Shqiptar.
Këtë lajm e ka bërë publik krytari i Kuvendit të Bujanocit, Jonuz Musliu.
Sipas Musliut, qëllimi i kësaj marrëveshje është bashkëpunimi profesional për trajnimin e mësimdhënësve të shkollave fillore dhe të mesme të Luginës së Preshevës (Preshevë, Bujanoc, Medvegjë), si dhe aspekte tjera për përgatitjen e kuadrove të rinj në fushën e arsimit.
Gjithashtu, në këtë marrëveshje u ra dakord për bashkëpunim mes palëve, rreth kuotave të regjistrimit të studentëve të rinj në UKZ.
