Nëna e të ndjerit, Konstatinos Katsifas, ka dhënë një intervistë për “Protothema.gr”, ndërsa ka shpërthyer në revoltë ndaj kryeministrit grek. Ajo nuk e ka fshehur zhgënjimin e saj në raport me kryeministrin e Greqisë, Alexis Tsipras, i cili mesa duket ka zgjedhur që të heshtë.
“Pse fëmija im rri dhjetë ditë? Z. Tsipras nuk bëri asgjë. Nuk na ndihmoi fare. Ai nuk gjeti një fjalë për të thënë”, ka thënë ajo për median greke.
“A kemi votuar për të, dhe çfarë bëri ai? Ne votuam për të. I thashë atij Alex, ti je në anën tonë. Ndërsa ai nuk gjeti një fjalë për të na thënë”, shprehet më tej nëna e Konstantinos Katsifas.
Nga ana tjetër, ajo ka falenderuar grekët për mbështetjen që i kanë dhënë në këto ditë, ndërsa pritet që nesër djali i saj të prehet për në banesën e fundit.
