Policia e Shtetit ka marrë në mbrojtje ish-prokuroren e Lushnjës, Merita Selimi. Kjo pasi në dëshminë e të penduarit të drejtësisë Artan Tafani, mes shumë vrasjeve të tjera, ka hedhur dritë dhe mbi planet që grupi i Laert Haxhisë kishin përgatitur për të vrarë prokuroren e SPAK Soloreza Musabelliun, prokuroren e Lushnjës Merita Selimin si dhe për avokatin Adriatik Doga.
Në këto rrethana Policia eShtetit ka marrë më mbrojtje Merita Selimin, ndërsa dje po ashtu u mor në mbrojtje prokurorja Soloreza Musabelliun, ndërsa avokatin Adriatik Doga është shprehur se deri më tani nuk i kanë ofruar mbrojtje, teksa tha se nuk besonte te dëshmia e Tafanit se dikush kërkonte ta vriste pai nuk kishte njohje dhe konflikte me grupin e Laert Haxhiut.
Kush është Merita Selimi
Prokurorja Merita Selimi u shkarkua me shumicë votash nga Komisioni i Pavarur i Kualifikimit, pas problemeve të konstatuara me burimet financiare të një apartamenti në Tiranë dhe me likujditetet në korrik të këtij viti.
Merita Selimi e ka filluar karrierën në sistemin e drejtësisë në vitin 1992 dhe prej atëherë ka punuar në Prokurorinë e Lushnjës.
Dyshohet e banda e Laert Haxhiut planifikonte ta vriste, pasi ajo kishte hetuar grupin e tij për një vrasje. Konkretisht bëhet fjalë për masakrën e 2017, ku mbeti i vrarë Zamir Latifi dhe Jurgen Hoxha, ndërsa u plagosën Bujar Turku dhe Marjus Xhepexhiu.
Për këtë ngjarje ajo hetoi Laert Haxhiun, Orgest Bilbilin dhe Anterio Kaloshin. Në 2019 Selimi shpalli moskompetencë dhe ia kaloi dosjen SPAK, përkatësisht prokurores Doloreza Musabelliu.
