Pyetja e gazetarit për skeptikët dhe për çështjen e ish-ministrit Saimir Tahiri ka vënë në siklet kryeministrin Edi Rama, në konferencën e përbashkët me shefen e politikës së jashtme Mogerini.
Midis batutave kryeministri Rama u shpreh se:
”Mbyllëm me Ferrarin po e nis unë me Mercedezin. Gjermania është një kampion i BE dhe kancelarja është në krye të një procesi që ka marrë dhe lidershipin për të shpallur raport të ri me Ballkanin Perëndimor. T’i bëjmë të qarta këto dallime që të mos ngatërrohemi me këmbët tona..
Në Gjermani si dhe vende të tjera ka njerëz që janë skeptikë, dhe ka një forcë që ka hyrë së fundmi në parlamentin gjerman që është kundër politikave të zgjerimit në BE, por për fat është jashtë koalicionit qeverisës, por ka dhe brenda koalicionit që mbështesin Partinë Demokratike në Shqipëri, që ushqehen nga propaganda, ashtu si dhe ka ndonjë që ka bërë fushatë kundër nesh qershorin e kaluar
Në këtë proces vlejnë argumentet dhe të arrijmë të shpejgojmë se në procesin e Tahirut kuvendi dhe shumica zbatoi në frymë dhe germë gjithçka Venecia ka nënvizuar lidhur me rastet kur një komision thirret në detyrë për të trajtuar cështjen e arrestit apo masve të parashikuar për një deputet.
Së dyti, ne e kemi thënë dhe e përsëris sot ne po presim që prokuroria të rikthehet me të paktën një provë, jo dhjetë, një të vetme, dhe Krimet e Rënda janë shumë larg së qeni një trupë që mund të konsiderohet e influencueshme nga cilidoqoftë për sa u takon anës së shumicës, nëse pranojmë spekulime për influencë.
Së treti, është gjëja më e lehtë që të nxjerrim bishta e alibira, pseudoargumente përballë faktit që kemi marrë dëftesën nga KE që nuk bën dhurata nuk ka lidhje me asnjë ndjenjë bujarie por shikon detyrat dhe zbatimin e tyre.
Semafori eshte jeshil do ta cojme sfiden deri ne fund me ndihmen e ferrarit dhe mercedecit”-u shpreh kryemistri.
