Atentatet me armë zjarri po marrin jetë njerëzish, pothuajse në gjithë qytetet e vendit tonë. Por, një nga zonat më të “zjarrta” të vrasjeve të bujshme, është ajo e ish-Bllokut në Tiranë.
E nëse në vendet e tjera vrasjet ndodhin në rrethina e larg qendrave, në Shqipëri ndodh e kundërta. Vrasjet më të bujshme e më të frikshme ndodhin në zemër të Tiranës.
Edhe pse konsiderohet si një zonë e sigurt, aty krimi ka marrë më shumë jetë njerëzish. Duke marrë shkas nga ngjarja e fundit, do iu sjellim në vëmendje vrasjet më të bujshme të ndodhura në këtë zonë.
Më 4 tetor 2018
Mbrëmjen e 4 tetorit, në zonën e ish-Bllokut një person mbeti i vrarë dhe dy të tjerë u plagosën. Policia sqaroi se dy të plagosurit, Ervis Martinaj 36 vjeç dhe Eljon Hato 28 vjeç janë arrestuar. Nga të shtënat humbi jetën 28-vjeçari me iFabian Gaxha. Ndërsa, policia ka shpallur në kërkim shtetasit Ervin Mata, Fabio Allushi, dhe Mevjol Bilo. Mes këtyre dy grupeve pati një konflikt brenda një lokali, që degjeneroi në përdorimin e armëve duke qëlluar në drejtim të njëri-tjetrit.
Më 14 shkurt 2018
Më 14 shkurt 2018 në rrugën ‘Nikolla Tupe’, në zonën e ish-Bllokut u vra një 64-vjeçar. Viktima ishte Memli Begalla nga Progonati i Tepelenë. Viktima mbante edhe emrin Afrim Begalla, pronar i disa biznesve. Ai ka pasur mobileri, një pikë shitje gomash në zonën e Yzberishit në autostradë. Po ashtu ai kishte edhe një biznes në qendër të Tiranës.
Më 16 mars 2016
Më 16 mars të vitit 2018, në ish-Bllok është vrarë ish-polici rrugor Ajet Zeqaj. Fejzi dhe Resmije Zeqaj, prindërit e Ajet Zeqaj, janë të bindur se djali i tyre i ka patur konfliktet vetëm me ish-gruan dhe njerëzit e saj. Ata bëjnë përgjegjës këta të fundit. Ende kjo ngjarje nuk është zbardhur.
Më 4 prill 2016
Në datë 04.04.2016, rreth orës 21.30 nga shërbimet e policisë gjyqësore është marrë njoftim se në rrugën “Zef Jubani”, kishte ndodhur një vrasje brenda familjes. Konkretisht ishte vrarë shtetasi Artur Kurti.
Prokuroria e Krimeve të Rënda ka zbardhur gjithë ngjarje. Në banesën e Sh. Kurtit mbeti i vrarë bashkëshorti i saj, Artur Kurti. Pas përleshjes me kunatin e tij Leonard Ristani dhe djalin Jugen Kurti. Çifti Sh. Kurti dhe Artur Kurti kishin probleme dhe prej katër muajsh kishin nisur letrat për procesin e ndarjes.
Pavarësisht kësaj, sipas deklarimeve që janë bërë në Prokurori nga Leonard Ristani dhe Jurgen Kurti, Artur Kurti vazhdimisht shkonte në shtëpinë e gruas. Ajo banonte në një banesë tjetër me djalin. Kështu, Artur Kurti ka shkuar në shtëpinë e bashkëshortes, e cila nuk i kishte hapur derën e jashtme.
Ngjarja
49-vjeçari kishte dëmtuar derën e jashtme, duke i rënë me shqelma, si dhe ka ofenduar bashkëshorten e tij. Në këtë situatë, Sh. Kurti ka marrë në telefon vëllain e saj, Leonard Ristanin. Ai ka shkuar menjëherë tek banesa e motrës. Disa minuta më vonë Artur Kurti ka marrë tek telefoni i shtëpisë së bashkëshortes, ku është përgjigjur kunati.
Më pas Arturi, me një thikë prej 29 cm, ka shkuar për herë të dytë tek banesa e bashkëshortes. Ai ka trokitur dhe derën e ka hapur Leonardi. 49-vjeçari ka goditur kunatin e tij me thikë. Sipas prokurorisë, ka bërë përpjekje për tu mbrojtur, duke arritur t’ia marrë thikën nga dora dhe e ka goditur duke i shkaktuar vdekjen.
Kur ka shkuar policia në vendngjarje është gjetur i shtrirë me fytyrë nga dyshemeja, ArturKurti. Në brendësi të banesës, janë gjetur njolla gjaku.
23-vjeçari Jurgen Kurti nuk është gjetur në banesën ku ndodhi ngjarja. Menjëherë pas përleshjes ai ka marrë dajën (Leonard Ristanin) dhe e ka çuar në spital. Në dëshminë e tij, 23-vjeçari ka thënë se, babai është përleshur me dajën dhe kur ka tentuar për t’i ndarë ka parë babain të gjakur në gjoks.
9 Mars 2014
Elton Pojani, 29 vjeç u vra me 9 mars të vitit 2014 në zonën e ish-Bllokut në Tiranë. Ngjarja ndodhi në rrugën “Vaso Pasha”. Autor i ngjarjes ishte Marenc Tufa, i cili është arrestuar pasi qëlloi viktimën pas një grindje banale.
26 qershor 2014
Vrasja e bujshme e Artan Santos para bankës ku ai punonte në zonën e Ish- Bllokut. Një ngjarje e cila tronditi jo vetëm shtetin por edhe opinionin publik.
Biznesmeni i 54-vjeçar, ka qenë duke shkuar në punë teksa papritur dy persona e kanë qëlluar me armë zjarri. Ata janë t larguar më pas menjëherë nga vendngjarja.
Autorët e vrasjes së Santos, duket se kanë organizuar çdo gjë në mënyrë perfekte. Ata kishin ndjekur itinerarin e biznesmenit. Autorët kanë qenë të maskuar. Kamerat e kamerat e shumta të sigurisë në këtë zonë nuk i kanë identifikuar. Ata kanë kryer ekzekutimin dhe janë larguar pa asnjë gjurmë./TIRANA TODAY/
