Një aktore egjiptiane rrezikon burgun për shkak se u shfaq gjatë parakalimit në tapetin e kuq, me një veshje të cilësuar si provokuese.
Aktorja Rania Youssef kishte veshur një fustan të zi, pjesa e poshtme e të cilit ishte transparente, duke i zbuluar pjesën e këmbëve dhe paksa të pasmet.
Ajo u padit për skena të pahijshme gjatë parakalimit në tapetin e kuq në një festival filmi në Kajro.
Seanca gjyqësore, që pason një seri denoncimesh të ardhura nga prokuroria, është parashikuar për datën 12 Janar 2019. Sipas kodit penal në Egjipt, Youssef rrezikon deri në 5 vite burg shkruan BBC.
Situata të tilla nuk janë të panjohura në Egjipt, teksa vitin e kaluar u burgos këngëtarja Shaimaa Ahmed për dy vjet, duke ia reduktuar më vonë dënimin në një vit. Ajo u padit pasi u shfaq me veshje intime në një video muzikore, ndërsa po hante një banane.
