Shumë familje shqiptare, për shkak të pamundësive ekonomike, detyrohen që të rinë në terr. Një 47-vjeçar ndriçon dhomën e tij, duke djegur plastmasë. Kjo është historia e Bardhi Qershorit, i cili ka treguar dramën e tij në rubrikën “Shqipëria pa filtra”, në emisionin “BOOM”. Ai është rrëfyer se është pa energji elektrike prej tre vitesh, kjo për shkak të pamundësisë ekonomike.
E vetmja mundësi që ai përdor për të ndriçuar dhe për tu ngrohur, është zjarri që ndez me plastmas në shtëpi. 47-vjeçari jeton në shtëpinë që i kanë lënë prindërit, por sakrifica e tij për të kuruar nënën e cila është ndarë nga jeta tre vjet më parë, ka shkuar deri aty sa ai ka shitur të gjitha orenditë shtëpiake.
“Kam 3 vjet e gjysmë pa drita, mi kanë prerë sepse nuk kam mundësi t’i paguaj. Kemp marr 100 mijë lekë, dhe me to ha vetëm bukë thatë. Vetë jam i sëmurë, me diabet dhe gjysmë i verbër”.
Mes lotëve ai thotë se dëshira e tij është që të ketë drita për të parë nënën e tij në video.
“Asnjë gjë nuk kisha dëshirë, por kisha dëshirë vetëm ta shifja se e kam në video, në kasetë”.
Për t’i dhënë më shumë ndriçim shtëpisë, ai ka lyer muret dhe xhamat e dritareve me ngjyra të ndryshme.
E vetmja kërkesë që ai ka, është të ketë një dritë për tu ndriçuar.
