Shenja e 2 gishtave të ngritur në formën e shkronjës V, simbolizon gjeste të ndryshme në kontekste të ndryshme kulturore apo historike. Ajo është bërë e famshme në vitet 1940 gjatë Luftës së Dytë Botërore nga kryeministri britanik Uinston Çërçill, për të simbolizuar fitoren kundër nazistëve. Prej atëherë është përdorur gjerësisht nga lëvizjet e protestës në mbarë botën, kundër qeverisjeve tiranike.
Në Shqipëri 2 gishtat u bënë simbol i lëvizjes studentore, dhe më pas i PD, e përkthyer në termat liri-demokraci. Por ngritja e 2 gishtave konsiderohet një gjest ofendues në Australi apo Mbretërinë e Bashkuar.
Për shembull në vitin 2009, futbollistët skocezë Berri Ferguson dhe Alan Mekgregor u përjashtuan përgjithmonë nga kombëtarja pasi treguan shenjën e 2 gishtave nga pankina, gjatë ndeshjes kundër Islandës. Po pse kjo urrejtje e madhe e anglezëve për 2 gishtat në formë V-je?
Legjenda thotë se gjatë një beteje në Luftën e Njëqind Viteve, francezët kapën robër disa harkëtarë anglezë, të cilëve u prenë pikërisht 2 gishta, që të mos përdornin dot më harkun në të ardhmen. Sot dy gishtat përdoren rëndom anembanë botës gjatë daljes në fotografi, dhe më shumë nënkuptojnë shprehjen e një ndjenjë të paqes dhe lumturisë.
