Ndërsa fëmijët në vendet e zhvilluara kërkojnë smartphone apo tabletë për të qenë të lumtur, në vendet më të varfra fëmijët lumturohen edhe nga një pambuk sheqeri.
Fëmijët që qëndrojnë në një jetimore në Kamerun të Afrikës janë parë shumë të gëzuar dhe të lumtur teksa konsumonin për herë të parë pambuk sheqeri.
Shoqata e ndihmave humanitare “Hak” ka dërguar nga Turqia një makineri që prodhon pambuk sheqeri për të gëzuar fëmijët në jetimoren Zehra në qytetin Kusseri të Kamerunit.
Pambuk sheqerin e shpërndarë nga vullnetarët, fëmijët e kanë konsumuar me habi dhe gëzim të madh për shkak se e kanë provuar për herë të parë.
