Një ngjarje e rëndë ka ndodhur në fshatin Xhyrë në Librazhd, ku një 14-vjeçar ka humbur jetën. Q.Muçaku kishte pësuar një aksident të pazakontë 4 ditë më parë, në oborrin e shtëpisë së tij.
Ai ishte tërhequr zvarrë për disa metra nga kali i shtëpisë, i cili ishte trembur. Duke qenë se kishte patur të lidhur litarin në dorën e tij 14-vjeçari nuk ka mundur ta zgjidhë dot, ndërsa e tërhiqte zvarrë kali i tij.
Për rrjedhojë, adoleshenti ka pësuar dëmtime të rënda në kokë dhe në trup. Edhe pse u dërgua në Qendrën Spitalorë “Nënë Tereza” në Tiranë, i riu ndërroi jetë, ndërsa u përcoll për në banesën e fundit ditën kur ai duhet të festonte datëlindjen.
