Të gjithë e mbajmë mend rastin që tronditi mbarë opinionin publik, pikërisht vrasjen e gjyqtares Fildes Hafizi nga ish-bashkëshorti, e cila la pas dy fëmijë.
Por, teksa kanë kaluar disa muaj nga ngjarja e bujshme, Melisa dhe vëllai i saj i kanë bërë një dedikim kujtimit të nënës së tyre; ata janë bashkuar me kreun e Bashkisë, Erion Veliaj dhe kanë mbjellë një pemë.
Fotoja është publikuar nga kryebashkiaku, i cili shkruan: “Me dy të rinjtë e mrekullueshëm të familjes Hafizi dhe kushërirat e tyre të vogla, të cilët i dedikuan kujtimit të nënës së tyre një pemë ? manjola dhe që e nderojnë më pas çdo ditë me rezultate të shkëlqyera në mësime, e sjellje shembullore në Tiranë!”
E pavarësisht dhimbjes së madhe, fëmijët e gjyqtares shfaqen të qeshur, duke dëshmuar se zgjodhën të ecin përpara duke ruajtur kujtimet më të mirë për nënën e tyre të ndjerë.
