Ministri i sapoemëruar i Japonisë për Sigurinë Kibernetike ka thënë se, kurrë nuk e ka përdorur kompjuterin në jetën e tij.
Yoshitaka Sakurada, 68 vjeç, edhe pse nuk e ka punën mirë me pajisjet teknologjike ai e ka drejtuar këtë Ministri.
Ai gjithashtu bëri komente duke treguar se nuk ia ka ide se çfarë është një USB, raporton Daily Mail.
Sakurada u emërua muajin e kaluar në krye të Ministrisë për Sigurinë Kibernetike. Ai do jetë shefi i cili do të japë urdhra edhe për Olimpiadën e Tokios, që do mbahet në vitin 2020.
“Unë kam qenë i pavarur që kur isha 25 vjeç. Gjithmonë e kam drejtuar stafin dhe sekretarët e mi për këtë punë. Unë kurrë nuk kam përdorur një kompjuter! Unë i jap udhëzime ndihmëses sime dhe kështu unë nuk e përdor vetë kompjuterin. Unë jam i bindur se puna jonë është e përsosur”, tha ministri.
Më tej ai ka habitur me deklaratat e tij kur është shprehur se nuk ia ka idenë se çfarë është një USB. Të pranishmit në Parlament ia kishin plasur të qeshurës nga përgjigjet e tij. /TIRANA TODAY/
