Liverpuli ka shfaqur interes për mbrojtësin me origjinë shqiptare i cili luan te Arsenali, Shkodran Mustafi. Tekniku i kampionëve në fuqi të Anglisë, Jurgen Klop kërkon një qendërmbrojtës në situatë emergjence teksa në prapavijë i mungojnë 4 lojtarë.
“Evening Standard” bën me dije se futbollisti është njëri prej kandidaturave për të ardhur në “Anfield Road”. Ai nuk është aktivizuar që prej muajit të kaluar me “Topçinjtë” duke lënë të kuptohet se trajneri Mikel Arteta nuk e dëshiron më Mustafin.
Ndërkohë, flitet se klubi londinez është gati të mbyllë bashkëpunimin me kampionin e botës në vitin 2014 që këtë muaj.
Deri tani, nuk ka bisedime mes dy gjigantëve të futbollit anglez për ish-mbrojtësin e Sampdorias dhe Valencias, por në ditët e ardhshme, situata mund të ndryshojë.
