Një 52-vjeçar nga Kosova është arrestuar në nga policia në Pikën e Kalimit Kufitar të Morinës.
Shtetasi i identifikuar me inicialet, A.V., 52 vjeç, banues në Skalloc, ishte i shpallur në kërkim ndërkombëtar nga Belgjika.
Gjykata Frenge e Shkallës së Parë të Brukselit, ka lëshuar urdhër për arrestimin e tij, për veprën penale “Vrasje e mbetur në tenativë”.
”Gjatë përpunimit dhe verifikimit të të dhënave në sistem, ky shtetas rezultoi person në kërkim ndërkombëtar, pasi Gjykata Frenge e Shkallës së Parë të Brukselit, Belgjikë , ka lëshuar ndaj tij urdhër-arrestin ndërkombëtar, për veprën penale “Vrasje e mbetur në tenativë”, informon policia.
Në përfundim të veprimeve hetimore, specialistët e Seksionit për Hetimin e Trafiqeve të Paligjshme dhe Narkotikëve në DVP Kukës bënë arrestimin provizor, me qëllim ekstradimin e tij drejt Belgjikës, mbështetur në “Konventën Evropiane të Ekstradimit” të vitit 1957.
