Autoritetet në Kaliforni kanë raportuar se me kalimin e orëve është shtuar bilanci negativ i personave që kanë vdekur si pasojë e zjarreve masive të pyjeve. Deri më tani mediat e huaja raportojnë për 31 persona që kanë ndërruar jetë, ndërsa ende nuk dihet fati i 200 personave të tjerë.
Rreth 250 mijë persona janë detyruar të largohen nga shtëpitë e tyre, për ti shpëtuar flakëve të zjarrit. Guvernatori Jerry Brown i ka bërë thirrje presidentit amerikan Donald Trump, për të shpallur gjendje të jashtëzakonshme.
Kjo thirrje ka ardhur një ditë pasi Trump ka kërcënuar me ndalim të fondeve për Kaliforninë, duke fajësuar menaxhimin e keq për nisje të zjarreve.
