Ervis Martinaj, biznesmeni i cili mbeti i plagosur më 4 tetor pas ngjarjes së rëndë që ndodhi në një lokal në ish Bllok. Aty ku mbeti i vrarë Fabian Gaxha dhe u plagos miku i tij Eljon Hate. Martinaj tashmë është dërguar në ambientet e burgut 302, Tiranë.
Del nga spitali i burgut Ervis Martinaj, por përfundon në…
Më herët Gjykata e Tiranës dha masën ‘arrest në burg 30 ditë’ për Martinajn, por kjo është kundërshtuar nga avokati i tij, Mirash Martini. Ai është shprehur se klienti i tij nuk kishte lidhje me këtë sherr dhe se duhet të ndryshohej masa e dhënë ndaj tij. Po ashtu avokati kërkoi që Ervin Mata të vijë dhe të japë sqarim për ngjarjen në fjalë.
“Nuk ka të dhëna se Martinaj ishte i përfshirë konflikte. Sherri ka qenë mes dy personave, Fabjan Gaxhës, i cili është konfliktuar në mënyrë verbale me komandon që nuk njihej nga Martinaj. Martinaj nuk ka pasur lidhje me këtë ngjarje. Ervis Martinaj ka pasur marrëdhënie korrekte me Ervin Matën, janë takuar në lokal.
Ai të vijë dhe të japë sqarime, sepse nuk rezulton që të ketë pasur konflikt mes Ervin Matës dhe Vis Martinajt. Në sherr nuk ishte i përfshirë klienti im. Ka qenë i pranishëm, por s’ka qenë pjesë e sherrit. Në sherr janë përfshirë Gaxhaj dhe ai që është identifikuar si komando”– ka thënë avokati.
Dyshohet se ‘mollë sherri’ për konfliktin mes 7 personave ka qenë ngacmimi i këngëtares Elvana Gjata, e cila ndodhej në lokal bashkë me të dashurin e saj, i cili është në kërkim. Megjithatë policia dhe prokuroria janë duke hetuar edhe për një konflikt të mëparshëm mes palëve.
I arrestuar në Kakavijë në tentativë për t’u larguar:
-Galdo Hoti
Të plagosur dhe në masë arresti:
– Ervis Martinaj, 36 vjeç, banues në Tiranë
– Eljon Hate, 28 vjeç, banues në Shkodër
Në kërkim:
– Ervin Mata, 31 vjeç, banues në Tiranë ( I dashuri i Elvana Gjatës)
– Fabio Allushi, 42 vjeç, banues në Tiranë;
– Mevjol Bilo, 41 vjeç, banues në Tiranë; (Komando dhe truprojë i Elvana Gjatës, autor i dyshuar i vrasjes së Fabian Gaxhës)
