Gjatë ditës së sotme, Gjykata e Apelit në Tiranë pritet të shqyrtojë kërkesën për liri të Ervis Martinajt. Gjykata e Tiranës dha masën e sigurisë “arrest me burg” për 30 ditë ndaj tij, lidhur me ngjarjen e rëndë ndodhur në zonën e Ish-Bllokut.
Kujtojmë këtu se vrasja që tronditi opinionin publik, ndodhi mbrëmjen e 4 tetorit, në një nga zonat më të frekuentuara të Tiranës, ku mbeti i vrarë Fabiol Gaxha. Martinaj së bashku me Elion Hato mbetën të plagosur.
Ndërkohë, të përfshirë në këtë ngjarje ishin edhe Redi Poposku, pronar i lokalit ku ndodhi vrasja, komandoja Mervjol Bilo, Ervin Mata, Fabjol Alushi si dhe këngëtarja e njohur Elvana Gjata.
