Jo më larg se dy ditë më parë, qarkulloi burimi i informacionit se policia kishte mbërritur vonë kur ndodhi ngjarja e rëndë në ish-Bllok. Ndryshe nga sa përflitej më herët, Drejtori për Sigurinë Publike ka thënë se blutë e Tiranës, kanë qënë në gadishmëri.
I ftuar në emisionin ‘Dritare me Rudinën’, në ‘News24’, Gjovalin Loka pohoi se policia shkoi menjëherë në vendin ku ndodhi krimi në Bllok.
Ai tha se kishte qenë pronari i lokalit, biznesmeni Redi Popesku ai që kishte njoftuar një polic. Ky i fundit, më pas kishte sinjalizuar patrullën.
Po ashtu Loka tha se të shtënat e armëve nuk mund të dëgjoheshin, pasi bëhej fjalë për një zonë tejet të zhurmshme siç është Blloku.
