Të dy bombarduesit B-52H kryen një “mision trajnimi rutinë” pranë ujërave të kontestuar të Detit të Kinës Jugore.
Të vendosur nga baza e Forcave Ajrore Andersen në Guam, aeroplanët fluturuan “afër” rajonit në Oqeanin Paqësor. Ata fluturuan pranë ishujve të cilët Kina pretendon se janë territore të saj.
SHBA në mënyrë rutinore dërgon bombardues në Detin e Kinës Jugore si pjesë e misioneve të saj “Prania e vazhdueshme e bombarduesve”. Ata janë vendosur aty që nga viti 2004.
Por aktiviteti ushtarak i SHBA-së e ka zemëruar Kinën, e cila ka vendosur sovranitetin në atë rajon. Por nga ana tjetër vendet fqinje si Vietnami, Tajvani dhe Filipinet kanë protestuar ndaj qëndrimit kinez.
SHBA ka akuzuar Kinën për vendosjen e raketave anti-anije, në hapsirën sipërfaqësore në ishujt e kontestuar në Detin e Kinës Jugore të pasur me burime natyrore./TIRANA TODAY/
