Kreu i PBDNJ-së ka folur për mediat lidhur me ngjarjen e rëndë që ndodhi në Bularat të Gjirokastrës.
Vangjel Dule ka vizituar familjen e të ndjerit, ndërsa ka bërë thirrje se ngjarja duhet të hetohet në mënyrën më transparente të mundshme.
Ai tha se duhet një ekspertizë e përbashkët nga Shqipëria dhe Greqia, dhe se policia duhet të mbajë përgjegjësi për vrasjen sepse ka shumë pikëpyetje në lidhje me vrasjen.
“Dëshiroj që të theksojmë thirrjen tonë për gjakftohtësi, por të demonstrojmë vendosmëri se kjo çështje duhet zbardhur në të gjitha detajet e saj me të gjithë transparencën e mundshme. Ka shumë pikëpyetje që e bëjnë me delikate. Policia të mbajë përgjegjësi. Si nisi konflikti dhe nga u provokua? Mbetet ende pa përgjigje. Kush ishin rrethanat dhe nga kush u mor vendimi për të dhënë një zgjidhje fatale, ndërkohë që ekzistonin edhe alternativa të tjera që do të garantonin jetën.”
