Tre në pesë njerëz të rritur në Britaninë e Madhe kanë marrë dozën e parë të vaksinës kundër koronavirusit. Lajmi u bë i ditur nga sekretari britanik i Shëndetësisë, Matt Hancock.
Sipas tij, 31,622,367 njerëz në total kanë marrë një dozë të vaksinës, ndërsa 5,496,716 janë vaksinuar me dy doza.
Shifra e fundit tregon se 10.4 për qind e popullsisë së rritur britanike është vaksinuar plotësisht, ndërsa 60% vetëm me një dozë.
Fantastic that 3 in 5 adults have now been vaccinated across the UK ??
Thank you to everyone involved in the vaccine roll-out – we’re making great strides in our national effort. pic.twitter.com/XgDnfDRaec
— Matt Hancock (@MattHancock) April 6, 2021
Britania e Madhe ishte vendi i parë në botë që ka nisur vaksinimin kundër koronavirusit në dhjetor të vitit të kaluar, me vaksinën Pfizer/BioNTech.
Vaksina tjetër që përdor ky vend është AstraZeneca, ndërsa Moderna është miratuar.
