Dy fëmijët e mitur të familjes Musta, ku i ati vrau të ëmën dhe tezen e tyre, ndodhen në fshatin Sos.
Pas ngjarjes së rëndë në Ballsh, ku Gazmend Musta vrau me thikë gruan dhe kunatë, familjarët e dy viktimës por edhe të autorit janë në ‘luftë’ për kujdestarinë e dy fëmijëve.
Daja i fëmijëve, Gjyshmir Çaushaj, me një kërkesë drejtuar Gjykatës së Fierit në datë 17 Janar 2019, ka kërkuar kujdestarinë e mbesës dhe nipit të tij. Po të njëjtën gjë, disa ditë me vonë, kane bërë edhe gjyshërit e dy fëmijëve, Bedri dhe Lumturi Musta, prindërit e Gazmend Musta.
Në seancën e sotme përgatitore, me qëllim sqarimin e rrethanave të kujdestarisë ishte i pranishëm edhe babai i fëmijëve, ndërsa gjyqtare e çështjes është Arta Duka, raporton BalkanWeb.
Të dyja palët janë paraqitur ne gjykatën e Fierit, shoqëruar edhe nga familjare të tjerë. Edhe pse kane shkëmbyer vështrime, asnjë fjalë nuk është thënë mes tyre. Procesi do vijojë me dyer të mbyllura, ndërsa do të vijohet me pyetjen e fëmijëve dhe palëve. Gjyqtare e çështjes ishte Arta Duka dhe seanca është shtyrë për në datë 25 shkurt.
