Qeveria e Maqedonisë ka vendosur që të ofroj transport publik falas për të ulur ndotjen e ajrit në vend. Qeveria e Zaev aktivizoi masat e paralajmëruara nga më parë në rast të kalimit të koncentrimit të grimcave mbi 200 mikrogram, për dy ditë radhazi.
Këto masa u aktivizuan pas informacioneve se në stacionet e matjes në qytetin e Shkupit, përkatësisht në stacionet e matjes në Lisiçe dhe Rektorat, cilësia e ajrit për dy ditë me radhë është tejkaluar mbi nivelin e lejuarën.
Në këtë rast, Ministria e Mjedisit Jetësor dhe Planifikimit Hapësinor dhe ajo e Shëndetësisë janë të detyruar që tu japin pushim grave shtatzëna, personat mbi 60 vjeç, si dhe personat me astmë kronike, pa dallim moshës. Riorganizimi i orarit të punës dhe personave të cilët punojnë në hapësira të hapura do të punojnë prej orës 11:00 deri në orën 17:00. Po ashtu të zbatojnë ndalesën për mbajtje të ndeshjeve sportive dhe manifestime tjera në sipërfaqe të hapura, të sigurojnë kushte për aktivitete të hapura të shërbimit për ndihmë të shpejtë.
Gjithashtu duhet të sigurohet transport publik falas ose zvogëlim i çmimit të biletave të transportit publik në periudhën e kushteve jo të volitshme të motit, të rritet frekuenca e autobusëve të NPQ-së në të gjitha destinacionet. Qeveria e Republikës së Maqedonisë i urdhëron të gjitha organet e administratës shtetërore, agjencive, fondeve, byrove, enteve, ndërmarrjeve publike si dhe Njësit e Vetëqeverisjes Lokale që ta zvogëlojnë deri në 50 për qind përdorimin e automjeteve zyrtare.
