Princesha e Dubait, Sheikha Latifa është arratisur, ndërsa ka lënë edhe një video mesazh ku tregon arsyet e këtij veprimi. Princesha shihet në videon e publikuar në YouTube me flokë të mbledhura, ndërsa tregon haptazi frikën për jetën e saj.
“Po e bëj këtë video se mund të jetë e fundit. Do të largohem diku dhe nuk e di se kur mund të kthehem, por besoj se kjo do funksionojë,” thotë ajo.
Princesha, e cila thotë se është vajza e Sheikh Muhammed bin Rashid Al Maktoum, një miliardier i vendit, thotë se ajo nuk ka lirinë për të jetuar jetën e saj në Dubai dhe u mbajt fshehurazi në burg për tre vjet pas një tentative të dështuar të arratisjes kur ishte adoleshente.
Latifa thuhet se është zhdukur bashkë me amerikanin Herve Jaubert, ndërsa ka udhëzuar avokatin e saj të hedhë videon në internet.
Pritet që ajo të kërkojë azil politik në Shtetet e Bashkuara.
