Kreu i Partisë Demokristiane, Nard Ndoka, si pjesë e koalicionit opozitar, duket i vendosur që të qëndrojë brenda Çadrës së Partisë Demokratike, deri në krijimin e një qeverie teknike.
Në një prononcim për Tirana Today, Ndoka tha se opozita do ta shtrijë aksionin e saj edhe në qytete të tjera të vendit, ku një ndër më kryesoret, së afërmi, është qyteti i Kavajës, ku do të mbahen edhe zgjedhjet për kryetarin e ri të bashkisë.
‘‘Opozita është në aksion politik, e vendosur që nëpërmjet qeverisë teknike të sigurojë zgjedhje të lira dhe të ndershme’’, tha Ndoka.
Por, a do të jetë vetëm kjo çadër që do të mbajë gjallë opozitën?! Për Ndokën duhet të ngrihet edhe një çadër në Kavajë.
Nuk dihet nëse Ndoka e kishte seriozisht, apo, për faktin se opozita tashmë ia mori dorën për ngritjen e çadrave.
Më herët, kreu i PD-së, Lulzim Basha tha se nuk do të futet në zgjedhje më 18 qershor.
