Një grua shtatzënë ka zbuluar se po pret çifte binjakësh identikë, pasi përjetoi një konceptim tepër të rrallë në të cilin dy nga vezët e saj u fekonduan në të njëjtën kohë, përpara se të dy të ndaheshin – duke rezultuar në konceptimin e dy grupeve të veçanta të vëllezërve dhe motrave identike.
Ashley Ness, 35 vjeç, një stiliste nga Taunton, Massachusetts, shkoi në një kontroll rutinë me mjekun e saj në shkurt dhe u gëzua pa masë kur iu tha se ajo ishte në pritje të fëmijës së saj të parë me të dashurin e saj, Val, 47 vjeç.
Megjithatë, ngazëllimi i Ashley shpejt u shndërrua në tronditje, kur ajo shkoi në një ekografi dy javë më vonë – dhe zbuloi se ajo ishte shtatzënë jo me një, por me katër foshnja.
Nëna e ardhshme, e cila tashmë ka një vajzë nga një lidhje e mëparshme, u habit edhe më shumë kur zbuloi se katër foshnjat nuk janë katërnjakë, por dy grupe binjakësh identikë.
“Kur ajo filloi skanimin për herë të parë, ajo po shikonte ekranin dhe shkroi, “A, B”, kështu që unë ndalova, e pash dhe thashë: “Prit, po kam binjakë?”, kujton ajo.
Eksperti mjekësor konfirmoi se Ashley është vërtet shtatzënë me katër foshnja – dy djem dhe dy vajza.
Ndërsa bisedonte me Boston.com, ajo pranoi se mendoi se ‘do t’i binte të fikët’ kur dëgjoi për herë të parë lajmin – veçanërisht kur mjekët i thanë asaj se shtatzënia e saj e dyfishtë ishte në një dukuri “1 në 70 milion”.
“Unë fjalë për fjalë isha ulur atje ndërsa ajo ende po më skanon, dhe unë them: “OK, si do ta bëj këtë?” Si do t’i them të dashurit tim që kam katërnjakë? Si do t’i them familjes sime që kam katërnjakë?’, shpjegoi ajo.
Pasi surpriza fillestare u shua, Ashley tha se ajo dhe Val, i cili ka tre fëmijë të tij nga një lidhje e kaluar, u emocionuan që do të vinin në jetë edhe katër të tjerë.
“E kam pasur shumë të vështirë të krijoj vajzën time dhe kam pasur abort në të kaluarën”, ka treguar ajo për GMA.
“Kështu që ndihem sikur të jem në gjendje të bekohem me diçka kaq të madhe, është kaq e mahnitshme”.
“Kur mbeta shtatzënë, ishte pak para se edhe gjyshja ime të kishte vdekur. Kështu që ndihem sikur ishte gati si një dhuratë nga ajo, si të ktheja mbrapsht humbjet që kisha. Kështu ndihem vërtet”.
Teksa nisi të ndante lajmin me familjen dhe miqtë e saj, Ashley tha se askush nuk e besonte, por pasi kuptuan se ajo po thoshte të vërtetën, ata nuk ishin gjë tjetër veçse forcë mbështetëse.
“Mamaja dhe babai im ishin të entuziazmuar. Ata thanë: “Sinqerisht, nëse dikush mund ta bëjë këtë, jeni ju. Ne nuk kemi asnjë shqetësim për ju”.
Ashley e la vajzën e saj tetëvjeçare, Chanel, të zgjedhë emrat për katër vëllezërit e motrat e saj të rinj – duke zgjedhur Chesley dhe Chatham për vajzat dhe Chance dhe Cheston për djemtë.
Parukierja shpjegoi se është e nderuar që asaj i ndodh një gjë kaq e rrallë, duke shtuar se asaj i është thënë se vetëm një në çdo 70 milionë gra ngjizin natyrshëm dy grupe binjakësh identikë si ajo.
ABC News raportoi më parë se konceptimi i dy grupeve të binjakëve në të njëjtën kohë është i mundur kur ‘fertilizohen dy vezë të ndryshme – duke rezultuar në binjakë vëllazërorë’.
Më pas, nëse ato dy vezë të ndara ndahen të dyja – gjë që është e rrallë por e mundshme – mund të rezultojë që nëna të mbetet shtatzënë me dy grupe binjakësh identikë.
“Mezi pres të shoh sa identike janë”, tha ajo. “A do ta kem të vështirë t’i dalloj? Për momentin, ndihem sikur ata janë shumë aktivë brenda, kështu që unë them: “Oh, a do të bëheni copëza të vogla të shfrenuara kur të dilni?”.
Pavarësisht ngazëllimit të saj, Ashley është e shqetësuar për vështirësitë që vijnë me lindjen e katër foshnjave në të njëjtën kohë.
Burimi i lajmit: dailymail. Përshtatur nga Tirana Today
