TIRANA- Detaje të reja kanë dalë në dritë në lidhje me ngjarjen që ngritit në këmbë policinë e kryeqytetit vetëm pak më parë, duke rrezikuar edhe jetën e këmbësorëve.
Mësohet se aksioni është zhvilluar në zonën e “Medresesë” në kryeqytet, ku 40-vjeçari pasi ka përplasur makinën e policisë është larguar.
Policia ka nisur operacionin për ta kapur dhe në ndjekje e sipër ai ka përplasur edhe disa makina të tjera dhe ka arritur që ta ndalojë dhe ta vërë në pranga vetëm pas një përpjekjeje intensive.
Ngjarja ka shkaktuar shumë shqetësim dhe ka tërhequr vëmendjen e qytetarëve, pasi zona ku ka ndodhur ngjarja është mjaft e populluar.
Ndërkohë më tej mësohet personi i arrestuar në ngjarjen e ndodhur, është rreth 40 vjeç dhe vuan nga probleme të shëndetit mendor.
I arrestuari është Enis Vrapi, i cili vetëm 12 ditë më parë u arrestua në banesën e tij në rrugën “Fortuzi”. Ai ishte ndaluar pasi qëllonte brenda në shtëpi me një armë sportive lodër, e cila me kapsolla prodhonte zhurmën si të armës së vërtetë. Policia ndërhyri për prishje të qetësisë publike
