Ndizet Madridi, pritje spektakolare e lojtarëve në “Bernabeu” (Video)

Real Madrid do të luaj një ndeshje mjaft të rëndësishme përballë Bayern Munich, ku do të vendoset se kush ekip do të udhëtojë drejt finales së Kievit. Si pasojë e rezultatit të ndeshjes së parë ku madrilentë triumfuan në “Allianz Arena” me rezultatin 2-1, tifozët kanë nisur festën disa orë para ndeshjes.

Pran stadiumit “Santiago Benabeu” ka mijëra njerëz të cilët presin autobusin e ekipit, për ti motivuar ashtu si kishin kërkuar edhe lojtarët. Kapiteni Ramos dërgoi mesazhin se Bernabeu duhet të ishte i tejmbushur dhe të jepte efektin që vetëm ata dinë ta japin tek kundërshtarët. Këtë thirrje duket se e kanë dëgjuar të gjithë dhe janë mbledhur orë më parë për të treguar mbështetjen.