Avioni “Boeing RC-135V” është dërguar nga baza detare amerikane në Souda Bay në Kretës për në Krime.
Vëzhguesit e radarëve të fluturimit tregojnë se avioni elektronik i zbulimit ka fluturuar afër gadishullit të Krimesë, raporton dailystar.co.uk.
Gadishulli u aneksua ilegalisht nga Rusia në vitin 2014.
Pajisur me sensorë të teknologjisë së lartë, “RC-135Vs” është një nga aeroplanët e zbulimit të përdorur nga Forcat Ajrore të SHBA për mbledhje, përpunim dhe transmetim të informacionit të inteligjencës.
Fluturimi vjen vetëm disa orë pasi tre anije ukrainase u konfiskuan nga anijet ruse. Incidenti i tensionuar ka ndodhur një ditë më parë në ngushticën e Kerçit pranë gadishullit të Krimesë.
Në një përshkallëzim të madh të tensioneve midis dy vendeve, anijet ruse sulmuan anijet e Ukrainës. Ata hapën zjarr ndaj tyre duke lënë të paktën tre ushtarë të plagosur.
Moska pretendon se anijet e Ukrainase, dy anije artilerie dhe një rimorkiator – kanë shkelur në mënyrë të paligjshme territorin rus.
Anijet ukrainase po kalonin në Detin e Azov, i cili është i lidhur me Detin e Zi nga ngushtica e Kerçit, kur u bllokuan nga luftanijet ruse.
Lidhur me incidentin ka reaguar ashpër bashkësia ndërkombëtare dhe shumë liderë perëndimorë po bëjnë thirrje për të vendosur sanksione të reja kundër Moskës./TIRANA TODAY/
